Asasakka ilaasortat
Maj-ip ulluisa naggataani Peqqinnissaqarfimmi aqutsisut nutaat ataatsimeeqatigaakka, siunissami suleqatigiinnissaq eqqartorlugu.
Juni-p pingajuani Naalakkersuisut siulittaasuat Aleqa Hammond Aningaasaqarnermut nunamullu namminermut Naalakkersuisoq Vittus Qujaukitsoq sulisartoqarnermut kattuffiit siulittaasui allat peqatigalugit naapippugut ilisareqatigiilluta, siunissamilu suleqatigiinnissaq aamma sammillugu.
Juni-p tallimaani Peqqissutsimut Attaveqarnermullu Naalakkersuisoq Steen Lynge PPK-p siulersuisui ilisareqatigiinnertalimmik naapipput, tassanittaaq siunissami qanoq suleqatigiissinnaaneq eqqartorneqarluni. PPK misilittagaqarpoq ilisimaqarlunilu, tamakkulu Naalakkersuisup atorsinaavai piumaguni. Soqutigisaqatigiinneq aallaaviuvortaaq, tassalu ilaasortavut /sulisut.
Naapeqatigiinnerit tamarmik neriunnermik pilersitsipput, suleqatigiikkusussuseq tamatta soqutigigatsigu ersersillugulu, suleqatigiinnerummi aqqani qivitseqatigiinneq pilersinneqarsinnaammat.
PK-imi siulersuisut sinniisullu ulluni marlunni mini-seminareqarpugut pissarsiffiusumik. Sammineqarput sullivimmi atukkat, kattuffiup nittarsaanneqarnera kiisalu killiligaanngitsumik oqaaseqarsinnaaneq qanoq paasisariaanersoq. Taakkua saniatigut peqqissaanermi ileqqussat soqutiginaqisut sammineqarput.
PK-p allaffia inoqassanngilaq matoqqassallunilu juli-p aallaaqqaataata tungaanut, sulinngiffeqanera pissutigalugu.
Tamassi aasarsiorluarnissassinnik kissaappassi.
Kære medlemmer
Den sidste dag i maj havde jeg et møde med den nye Sundhedsledelsen i Styrelsen for Sundhed og Forebyggelse og talte om fremtidigt samarbejde.
3.juni havde vi, formænd i Samrådet af faglige organistioner, et gensidigt præsentationsmøde med formanden for Naalakkersuisut Aleqa Hammond samt Naalakkersuisoq for finanser og indenrigsanliggender Vittus Qujaukitsoq, hvor fremtidigt samarbejde også blev drøftet.
5.juni havde PPK's bestyrelse et møde med Naalakkersuisoq for Sundhed og Infrastruktur, hvor vi også drøftede fremtidige samarbejdsmuligheder. PPK er i besiddelse af erfaring og viden, som Naalakkersuisoq kan gøre brug af. Vi har fælles interessenter, vores medlemmer, som er deres medarbejdere.
Samtlige møder gav håb, vi var alle interesserede i at samarbejde, ved at samarbejde kan vi sammen løfte i flok.
PK afholdt et mini-seminar for bestyrelse og tillidsrepræsentanter i 2 dage, hvor trivsel på arbejdspladsen, branding af en organisation og ytringsfrihed var i fokus. Desuden et spændende emne om etik i sygeplejen.
PK's kontor er lukket frem til 1.juli, grundet ferie.
Jeg ønsker jer alle en god sommer.
Inussiarnersumik / med venlig hilsen
Inuuti Fleischer
Siulittaasoq / formand
Ingen kommentarer:
Send en kommentar